Labi pa nga nagbaskog kag nagin isa na ka tropical storm ang bagyo ada.
Ulihi nga nasiplatan ang sentro sang bagyo sa kalayuon nga 400 kilometers sidlangan sa syudad sang Surigao, Surigao del Norte.
May kabaskugon ini sang hangin nga 65 km/h malapit sa sentro, pagmadlos tubtob 80 km/h.
Nagahulag ini northwestward sa kadasigon nga 15 km/h.
Ang wind power sang bagyo nagalab-ot sa 400 kilometros halin sa sentro, nga nagadala sang mabaskog tubtob gale-force winds.
Bangud sini, Tropical Cyclone Wind Signal (TCWS) No.1 sa pila ka bahin sang Luzon, Visayas, kag Mindanao.
Luzon: Nasidlangan nga bahin sang Camarines Sur, Sorsogon, nasidlangan nga bahin sang Albay (lakip ang Legazpi City kag Tabaco City), kag Catanduanes.
Visayas: Northern Samar, Samar, Eastern Samar, nasidlangan nga bahin sang Biliran, nasidlangan nga bahin sang Leyte (lakip ang syudad sang Tacloban), kag nasidlangan nga bahin sang Nabagatnan nga Leyte.
Mindanao: Dinagat Islands, Surigao del Norte, kag Surigao del Sur.
