ROXAS CITY – Nagapanawagan ang bata sang duha ka senior citizen kay President Rodrigo Duterte nga mabuligan sila matapos nga ginwasak ang puluy-an sang iya ginikanan bangud nangin lider ini sang team pulahan.
Base sa facebook post ni CJ Tizon Bagaan ukon Catalina Tizon, ginpahog ini ni Emil Joseph Milaflores nga pagapatyon kun makit-an sa Brgy. Libas sining syudad kag si Milaflores man ang ginatudlo nga nagsugo sa mga persona nga waskon ang ila balay.
Nagapangayo man ini sang bulig kay Gov. Nonoy Contreras kag Rommel Lastimoso kun din sini patiniron ang iya ginakanan bangud nawasak na ang ila puluy-an.
Sa nakuha nga impormasyon sang Bombo Radyo, ang duha ka senior citizen ang ginkilala sanday Florencia Tizon, 84-anyos kag Joseph Tizon, 89-anyos kag temporaryo nga naga-istar ang duha sa ila mga himata sa amo man nga barangay.
