Ka-Bombo, naka-agi ka man bala nga namulag-mulagan?
Ano ang makahalam-ot mo nga eksperyensya sang namulag-mulagan ka?
Bangud sa Dasmariñas, Cavite, isa ka makahalam-ot ang natabo sa isa ka amay, bangud nga sa tuman nga kakapoy, nasal-an sini ang face mask bilang ila nga lapsag.
Sa video nga ginpakigbahin ni Mommy Jessica Reposar, iya ginsiling nga kakatapos lamang niya nga mag-breastfeed sang ginpukaw niya ang iya nga partner nga si Daddy Renz agud nga kuhaon ang pacifier sang ila nga bata nga si Baby Jarren. Bangud sa tuman nga kakapoy, gintuman ni Renz ang ginsugo sa iya, apang nakibot si Jessica sa masunod nga ginhimo sang iya nga bana.
Pagkatapos nga ginkuha ang pacifier, ginbutang ni Renz ang suksok nya nga face mask sa higdaan –ginhimas-himas kag ginpikpik nga kasubong sa isa ka lapsag. Halata nga tuman ang kapilawon kag kakapoy sang amay, rason nga wala na man sang may nahimo si Jessica kundi amo ang magpatawa sa eksena—apang ginahinyan nya lang agud nga indi makibot ang lapsag.
Sa tyempo sang amo nga hitabo, 10 ka-adlaw pa lang si Baby Jarren. Magluwas sa pag-atam sa bag-o bun-ag nila nga bata, may sip-on kag ubo mann si Daddy Renz rason nga naka-face mask ini sa sulod sang ila nga balay.
Madamo naman sang mga ginikanan ang ang naka-relate sa viral nga video, nga nagin pamatuod sa kabudlay kag kasadya bilang bag-o nga mga ginikanan.
Bangud sa makahalam-ot nga eksena, ginhingadlan si Baby Jarren sa social media bilang si “Baby Face Mask.”
Sa subong, lima na ka-bulan si Baby Jarren kag indi na masyado nga nagapulaw ang iya sini nga mga ginikanan.
