PANAY, CAPIZ – Handa na ang local government unit sa banwa sang Panay sa pagbukas sang Panay Christmas Village 2025 bwas nga adlaw, Nobyembre 28, 2025.
Sa interview sang bombo Radyo kay Mayor Jonathan ‘Sonny’ Besa, iya ginpahayag nga excited ini bangud ini ang labing una nga pagapangunahan niya ang pagpasiga sang nasambit nga Christmas Village.
Suno kay Mayor Besa, subong nga adlaw magapatigayon sang dry-run agud siguruhon nga yara na sa intsakto nga kahimtangan ang tanan nga display sa nasambit nga Christmas Village.
Pahayag pa niya, nagpakig-angut man ang ila talatapan sa katapo sang kapulisan, Bureau of Fire Protection, emergency response team kag traffic management unit agud masiguro ang seguridad kag lakat sang trapiko sa lugar.
Gina-agda man sang natungdan ang tanan nga magkadto agud makita indi lang ang katahum sang Christmas Village kundi pati man ang kaanyag sang bilog nga banwa sang Panay.
