Naglab-ot sa 22 ka mga monghe halin sa Sri Lanka ang gindakop sa international airport sang Sri Lanka Ini matapos na-recover sang mga awtoridad ang 242 pounds sang marijuana sa ila mga bagahe.
Suno sa Sri Lanka Customs, ang mga suspek halin sa isa ka 4-ka-adlaw nga biyahe sa Thailand kag magapauli na kuntani sang natukiban ang ilegal nga droga nga gin-alegar ang sa sulod sang mga maleta nga may mga peke nga compartment.
Ang mga maleta puno man sang mga kendi kag mga gamit sa eskwelahan.
Gin-athag naman sang mga monghe nga ang bagahe nga may unod nga mga droga isa ka donasyon nga ila idul-ong sa pag-abot sa Sri Lanka.
Suno sa customs officials, ini na ang pinakadaku nga nakumpiskar nga kush sa isa ka mayor nga international airport sang pungsod.
