Duha ka tseke nga nagakabalor sang tig-P1-Milyon ang ginbaton sang apat ka Pinoy Olympians nga nagpadulong sa Malakanyang.
Sa simple nga seremonya, ginhatag ni Presidente Ferdinand Marcos Jr. ang tig-P1M nga cheke nagikan sa Office of the President nanday professional golfer Dottie Ardina kag ang mga gymnast nga nanday Aleah Cruz Finnegan, Emma Malabuyo kag Levi Ruivivar.
Ginawaran ang mga ini sang presidential citation para sa ila pagpapel sa 2024 Paris Olympics.
Magluwas diri, may pa-jacket pa si PBBM sa mga atleta.
Bago naman ang meet and greet sa Presidente, ginpalab-ot sini sang PAGCOR chairman Al Tengco sa mga atleta ang tseke nga halin sa ila.
Matandaan sa iya speech sa nakaligad nga hero’s welcome para sa Pinoy Olympians ginkadlawan sang Presidente ang PAGCOR nga pwede man hatagan sang tig-iisa ka milyong piso ang mga atleta nga wala nakapauli sang medalya sa katatapos lang nga Olympics.
