Ginalantaw sang BAYAN Panay nga imposible nga makaigo ang ₱13,900 ukon katumbas sang ₱463 kada adlaw ang indi na pagkabigon nga pigado kabaliskaran sang pahayag sang National Anti-Poverty Commission (NAPC).
Sa interview sang Bombo Radyo kay Mr. Elmer Forro, Secretary General sang BAYAN Panay, iya ginpahayag nga kulang gid ang nasambit nga kantidad bangud sa padayon nga pagsaka sang presyo sang mga balaklon.
Suno kay Forro, sa pagkaon pa lamang, indi na makaigo ang ₱13,900 nga bulanan nga income sang lima ka membro sang pamilya agud matustusan ang iban pa nga mga kinahanglanon kag galastuhan pareho sang tubig, edukasyon, kag medisina.
Gani, nagapanawagan man ini sa gobyerno nga repasuhon ang ginagamit nga poverty threshold, bangud nagabase pa ini sa 2023 nga datos kag posible nga wala na nagarepresentar ang aktwal nga kahimtangan sang kada pamilya.
