Nagpromisa si Bureau of Immigration (BI) Commissioner Joel Viado nga indi pagsuguran ang deportation proceeding para sa mga naaresto nga ginapahayag Chinese spy tubtob indi matumod ukon makit-an ang iya mga kaupdanan, mga dumuluong man ukon local resident.
Matandaan nga Enero, 17 sang maaresto ang 39-anyos nga si Deng Yuanqing, ang ginapahayag Chinese “sleeper agent nga ginapahayag yara sa Pilipinas sumugod pa sadtong 2015.
Suno kay Viado, apisar ang BI ang magasugod ukon mag-initiate sa deportation proceeding batuk kay Deng, indi nila ini pagsuguran tubtob wala pa naresolba ukon naserbi ang tanan nga mga penalidad kag local accountability batuk kay Deng.
Kinahanglan suno diri nga matumod kung may yara pa nga mga kaupdanan si Deng nga yara sa karun sa Pilipinas nga nagabulig sa iya.
Una na nga ginsiling sang ahensya nga ang nasambit nga persona nakapangasawa sang isa ka Pinay kag pila na ka beses nga nagasulod sa Pilipinas.
Kadungan sa pagka-aresto kay Deng, ginsiling ni Armed Forces of the Philippines Chief Romero Brawner Jr. nga kinahanglan ang hugot nga seguridad sa sulod sang mga kampo sang militar kag iban pa nga military facilities, kaupod na ang mga Enhanced Defense Cooperation Agreement sites.
Samtang, ginapatihan nga ang mga ini ang panguna nga ginatarget sang naaresto nga Chinese.
