Naghimo sang kasaysayan ang P-Pop Group nga BINI bilang pinaka-una nga nag-perform sa Coachella Valley Music and Arts Festival.
Nag-perform sa atubang sang international audience ang walo ka miyembro sang grupo sa Mojave Tent sa sulod sang 45 minutes.
Ginbuksan nila ang ila set paagi sa ambahanon nga “Shagidi,” nga ginsundan sang “Zero Pressure,” “Karera,” kag “Salamin Salamin,” tubtob nga gin-perform nila ang ila bag-o nga ambahanon nga “Blush.”
Gintapos nila ang pasundayag paagi sa ila hit nga “Pantropiko,” nga gin-updan sang pagsinggit kag pagsaot sang mga tumalan-aw.
Kasunod sang ila makasaysayan nga pasundayag, gilayon nga nag-trend sa social media ang hashtag nga #BINI_CoachellaWk1, upod ang iban pa nga may kaangtanan nga mga topiko sa Pilipinas.
