Indi mag-upod ang transport sektor gikan sa Capiz, Iloilo kag Aklan sa patigayunon nga duha ka adlaw nga transport strike sa Pilipinas.
Suno sa presidente sang Pinagkaisahang Samahan ng mga Tsuper at Operator Nationwide (PISTON-Capiz) nga si Mr. Joebert Carandang, kinulang sila sang tinion agud preparahan ang malapnagon nga untat-biyahe.
Apang ginpahayag sini nga apisar indi sila mag-ipod, suportado nila ang kawsa sang transport group nga pamatukan ang Public Utility Jeepeneys ukon PUJ Modernization program.
Suno sa iya nga madulaan sang palangabuhian ang mga operators kag mga drivers pananglitan nga dayunon ini.
Ginpasiguro man ni Carandang nga normal ang biyahe sa nasambit nga mga probinsiya ilabi na sa Capiz.
Gindugang pa sini nga magahatag man sila sang respeto sa kamatayon sang coordinator sang Bayan- Capiz nga si Mr. Kashmir Diestro rason nga wala sila nag-upod sa patigayunon nga untat-biyahe.
