Nagbulagay ang isa ka mag-asawa, matapos ang tatlo ka minutos sang ginhiwat kasal sang mga ini sa Kuwait.
Gintawag ang amo nga natabo sang mga foreign news nga “probably the shortest marriage” kag “fastest divorce case” sa tagsa sini ka mga report.
Ini ang natabo sang tuig 2019, apang ini ang nagguwa liwat kag nangin viral sa social media.
Suno sa istorya, nagpakasal ang mag-asawa sa isa ka korte sa Kuwait bag-o lang ang mga ini nga gindeklarar nga mag-asawa.
Pagguwa sang mga ini sa pertahan sang venue, nasandad ang bride.
Nabatian sini nga ang iya nobyo, gintawag sya nga “buang.”
Namingot ang nobya kag nagbalik sa sulod sang courthouse.
Sa amo man nga tion, ginpangabay sini sa hukom nga kanselahon ang ila nga kasal.
Nagpasugot ang hukom kag nagpaguwa sang divorce decree sang mga ini, tatlo ka minutos pagkatapos sang ila nga kasal.
Samtang, sa website sang U.S. Embassy in Kuwait, gindiskusyonan ang pagbulagay sang mga babayi sa ila mga bana nga taga-Kuwait.
Ang “Shari’a” ukon “khali’a” ginsambit bilang isa ka option sa diborsyo nga magamit para sa mga babayi sa Kuwait.
Samtang, ang rason nga agud ang isa ka babayi mahimo magdiborsyo sa iya bana sang madasig nga indi na kinahanglan nga magpasa sang pila ka mga rason, kun magsugot ini nga ihatag ang iya mga kinamatarong sa propiedad kag mga pagkabutang sang iya nga bana. Apang, luwas naman diri ang indi pag-atipan sa iya mga kabataan.
