Plano sang Bangko Sentral ng Pilipinas (BSP) nga pasangkaron ang Comprehensive Credit and Equity Exposures Report (COCREE) agud masakop ang mas madamo nga mga non-bank financial institutions kaangay sang non-stock savings and loan associations, non-bank credit card companies, kag mga non-bank financial institutions sang gobyerno.
Katuyuan sang sini nga tikang amo ang pagpabaskog sang pagbantay sang BSP sa credit exposures kag emerging risks sa bug-os nga financial system pinaagi sa mas detalyado nga data sa mga borrowers kag counterparties.
Matandaan nga sang 2021 ginlunsyar ang COCREE kag ginpasangkad sang 2023 sa idalom sang COCREE 2.0. Sa bag-o nga proposal, mas madamo nga non-bank entities ang ginlakip, kag mangin electronics ang submissions suno sa gintalana nga Format.
Mgasugod ang reporting para sa bag-o nga sakop sang institusyon sa period ending sa Septyembre 30, kag igapasa sa Nobyembre 27, pagkatapos sang kada tatlo ka bulan pagasundan ini sang full implementation.
