ROXAS CITY – Magapadayon ang byahe sa Roxas City Integrated Transport Terminal (RCITT), Pueblo De Panay kadungan sang palaabuton nga Undas 2024.
Sa interview sang Bombo Radyo sa Administrator sang terminal nga si Mr. Victor Arcenas, ginpahayag sini nga apisar isa na lamang ka adlaw antes ang piyesta minatay nagapabilin sa gihapon nga regular ang mga pasahero nga nagaalabutan.
Suno kay Arcenas, sa palaabuton nga Nobyembre 1 wala sang pagbag-o sa schedule sang byahe sa terminal sa baylo nga magalibot sa gihapon ini sa syudad agud magserbisyo sa publiko sa pagpadulong sa kada sementeryo.
Mahibaluan nga pag-abot sa seguridad, ginsiling sang administrador nga may nakahamtang nga mga katapo sang PNP kag TMU Personnel sa lugar agud mapabilin nga mangin matawhay.
Panugyan ni Arcenas sa mga pasahero mas maayon nga magbyahe sang temprano agud malikawan ang mga pagsinakuay kag dukdukanay sa tion sang last hours.
