Preparado na ang Capiz Maritime Police Station sa pagsugod sang summer season.
Ini kasunod man sa preparasyon sa ginalauman nga pagdamo sang mga turista kag biyahero nga magapadulong sa mga baybayon kag pantalan sa probinsya.
Sa interview sang Bombo Radyo kay Police Captain Semdan Sitchon, Chief sang Maritime Command Roxas City, iya ginpahayag nga hugot ang ila pag-monitor sa mga coastal areas agud masiguro ang safety sang publiko, ilabi na ang mga nagapaligo kag nagabyahe.
Suno sa iya, may yara sila sang igapahamtang nga Maritime Police assistance desk agud maka-provide sang madasig nga pagresponde sa tion nga may magluntad nga mga insidente.
Nagpanugyan man ang natungdan sa publiko nga maghalong, magsunod sa safety guidelines, kag likawan ang mga delikado nga aktibidad agud malikawan ang disgrasya subong nga Summer Season.
