Naglab-ot na sa 35,610 ka mga kabataan ang nabakunahan batuk sa Measles-Rubella (MR) sa Capiz, sandig sa datos sang Provincial Health Office as of August 20, 2026.
Ini katumbas sang 51.86% accomplishment rate gikan sa target nga 68,665 ka mga kabataan, nga naga edad 6 months tubtob 59 months.
Sa interview kay Joeffrey Espiritu, Information Officer sang Department of Health Capiz, iya ginpahayag ang importansya sang padayon nga pagbakuna agud maprotektahan ang mga kabataan batok sa measles kag rubella.
Sa data, nagapanguna ang Sapi-an sa vaccination accomplishment nga may 63.20%, ginasundan sang Dao nga may 63.18%, kag Panitan nga may 59.26%.
Padayon ang panawagan sang health authorities sa mga ginikanan kag guardians nga pabakunahan ang ila mga kabataan agud malikawan ang paglapta sang measles kag rubella sa komunidad.
