-- ADVERTISEMENT --
ROXAS CITY– Nakarekord sang 23 ka panibag-o nga kaso sang COVID-19 ang probinsiya sang Capiz kahapon nga adlaw, Nobyembre 18.
Ini ang base sa pinakaulihi nga datos nga ginpaguwa sang Capiz Provincial Health Office.
Magluwas diri, tatlo naman ang nag dugang sa mga nakarekober kag wala sang dugang nga napatay.
Sa karon naglab-ot na sa 996 ang kabug-usan nga kaso sang nasambit nga balatian kun sa diin 4.92 porsyento ukon 49 diri ang aktibo nga kaso 90.26 porsyento ukon 899 ang nakarekober kag 4.82 porsyento ukon 48 ang ginbawian sang kabuhi.
Samtang padayon sa gihapon ang paghanumdom sang PHO sa mga pumuluyo nga magsunod sa mga nagakaigo nga mga minimum health protocols.
