ROXAS CITY – Nagpanugyan ang Capiz Provincial Health Office sa publiko nga dapat saulugon ang bag-ong tuig sang matawhay kag malayo sa disgrasya.
Sa interview sang Bombo Radyo kay Ms. Jasmin G. Gallaza, RN Nurse II/ Provincial Violence and Injury Prevention Program (VIPP) Manager Capiz Provincial Health Office, iya ginpahayag nga kun mahimo, likawan gid ang pagpalupok sang firecrackers, pyrotechnics kag iban pa subong nga holiday season.
Ini agud malikawan ang mga insidente kapareho sang firecrakers related injuries sa probinsya subong nga nagapangatubang ang pungsod sa COVID-19 Pandemic.
Suno kay Gallaza nga nakapagkit ang PHO sang 29 ka mga kaso sang firecrackers related injuries sang tinalikdan nga tuig 2019.
Gani, nagalaom ang talatapan nga subong nga tuig wala na sang marekord nga fire related injuries ang PHO.
Ginpahayag sini, dapat nga halungan ang kaugalingon bangud importante subong ang ikaayong lawas sang kadam-an subong nga pandemya.
Sa karon padayon ang kampanya sang PHO nga Iwas Paputok subong nga tuig 2020.
