ROXAS CITY -Ginkompirmar sang pamunuan sang Provincial Disaster Risk Reduction and Management Office ukon PDRRMO nga nag-negatibo sa Real Time-Polymerase Chain Reaction ukon RT-PCR test ang Capizeño nga gin-alegar ni Iloilo City Mayor Jerry Treñas nga nagtapon sa 6 ka mga medical doctors nga nagpositibo sa coronavirus disease (COVID-19) sa nasambit nga siyudad.
Suno kay PDRRMO-Head Judy Grace Pelaez nga nagpaguwa na sang opisyal nga pahayag ang Capiz Provincial Health Office ukon PHO nga nagnegatibo sa RT-PCR test ang nasambit nga Capizeño.
Ginpahayag pa ni Pelaez nga wala sang travel history kag wala sang exposure sa mga nagpositibo nga COVID-19 ang nasambit nga Capizeño.
Samtang wala pa sang pat-od nga impormasyon si Pelaez natuhoy sa pagkaaksidente sang amo nga Capizeño nga gindala sa isa ka ospital sa Iloilo para sa nagakaigo nga pagbulong.
