Daku ang kalipay sang isa ka Capiznon sang ini ang ginkoronahan bilang Mr. Tourism International 2025.
Sa interview sang Bombo Radyo kay Israel Jay Bornales, iya ginpahayag nga ginpasakupan sang 39 ka mga probinsya ang nasambit nga kompetisyon nga ginpatigayon sa Villareal Stadium, Roxas City, Capiz
Suno kay Bornales, isa ka daku nga pagpanghangkat bangud lima ka tuig na ang nakaligad sang nag-untat ini sa pag-intra sa mga pageant apang bangud sa pagpangkombinsi sang iya mga kakilala kag pamilya,kag sa luyag nga mapasangkad ang iya adbikasiya natuhoy sa animal welfare, liwat ini nag-intra.
Pahayag pa niya, tuman nga pressure ang iya nabatygagan bangud nga probinsya sang Capiz ang nangin host sang amo nga kompetisyon apang ginhimo niya ang tanan niya nga makaya kag nakuha ang Mr. Tourism International 2025.
Nagapasalamat man ang natungdan sa tanan nga nagsuporta kag magasuporta sa iya sa palaabuton nga kompetisyon kun sa diin iga-representar niya ang bug-os nga pungsod Pilipinas.
