Ginbatak na sa Signal No. 2 ang probinsya sang Catanduanes samtang mas nagadamo pa ang mga lugar sa pungsod nga gintaas sa Signal No. 1 bangud sa Tropical Storm Kristine nga napabilin ang kabaskugon samtang nagahulag sa Philippine Sea sa nasidlangan sang Bicol Region, suno sa Philippine Atmospheric, Geophysical and Astronomical Services Administration (PAGASA) takna alas 11:00 sang aga sini nga Martes, Oktubre 22.
Sa update sang PAGASA, ulihi nga nasiplatan ang sentro sang Tropical Storm Kristine 335 kilometros ang kalayuon sa nasidlangan sang Virac, Catanduanes.
Dala sini ang kabaskugon sang hangin nga naglab-ot sa 65 kilometros kada oras malapit sa sentro kag may pagmadlos nga naglab-ot sa 80 kilometros kada oras.
Nagahulag ang bagyo pa-nakatungdan naaminhan-nakatungdan sa kadasigon nga 10 kilometros kada oras.
Bangud sini, ginbatak sa Signal No. 2 ang bug-os nga probinsya sang Catanduanes.
Nakataas naman sa Signal No. 1 ang mga masunod nga lugar:
LUZON
Ilocos Norte
Ilocos Sur
La Union
Pangasinan
Apayao
Kalinga
Abra
Mountain Province
Ifugao
Benguet
Cagayan kalakip na ang Babuyan Islands
Isabela
Quirino
Nueva Vizcaya
Aurora
Nueva Ecija
Tarlac
Zambales
Bataan
Pampanga
Bulacan
Metro Manila
Cavite
Laguna
Batangas
Rizal
Quezon kalakip na ang Polillo Islands
Masbate kalakip na ang Ticao Island
Burias Island
Marinduque
Romblon
Camarines Norte
Camarines Sur
Albay
Sorsogon
VISAYAS
Eastern Samar
Northern Samar
Samar
Leyte
Biliran
Southern Leyte
MINDANAO
Dinagat Islands
Surigao del Norte kalakip na ang Siargao – Bucas Grande Group
Suno sa PAGASA, ginalauman nga magabaskog pa ang bagyo kag igataas sa “severe tropical storm” category antes ini mag-landfall. Magahinay man ini samtang nagatabok sa Northern Luzon.
Posible man nga itaas ang bagyo sa “typhoon” category pag-abot sa West Philippine Sea (WPS) antes ini magguwa sa Philippine Area of Responsibility (PAR) region sa Biyernes, Oktubre 25.
