Ginpanginwala sang China’s Ministry of Foreign Affairs ang kahilabtanan sang gobyerno sa isa ka AI-generated video nga ginpaguwa sang isa ka state-run media outlet nga nagalaragway sa mga Pilipino bilang mga amo samtang ginapakamlaut ang 2016 Arbitral Award may kaangtanan sa West Philippine Sea (WPS).
Suno kay spokesperson Chinese Foreign Ministry Lin Jian wala siya sang komento sa video kag gin-athag nga indi ini isa ka aksyon nga ginhimo sang gobyerno sang China.
Apang, ginsulit niya ang madugay na nga panindugan sang Beijing nga indi pagkilalahon ang 2016 South China Sea arbitral ruling, nga iya ginlaragway nga ilegal kag wala sang pulos.
Samtang, ginmintinar sang Pilipinas ang vakid sang desisyon, nga nagapamatuod nga ang malapad nga pag-angkon sang China sa ginabaisan nga kadagatan kulang sa legal nga basehan.
Una na nga nagpangabay ang Department of Foreign Affairs (DFA) sa state-run media outlet nga kuhaon ang video nga ginhimo sang AI sa social media.
Ginlaragway man sang DFA ang video nga racist, insulto, kag affront sa dignidad sang mga Pilipino.
