China, posible nga madugay na nga naagapatigayon sang intel gathering sa sulod sang kadagatan sang pungsod kasunod sang narekober nga underwater drone sa Masbate — Kongresista

Nagapati si Surigao del Norte Rep. Robert Ace Barbers nga daku ang posibilidad nga madugay na nga nagapatigayon sang intel gathering ang China sa sulod sang kadagatan sang pungsod.

Ini ang ginpahayag ni Barbers makaligad nga madiskubrehan sa San Pascual, Masbate ang isa ka underwater drone nga may marka nga HY-119 bilang isa ka Chinese underwater navigation kag communication device nga nagadul-ong sang data, messages, kag navigation information sa ila nga mga barko kag satellite.

Nagaduda si Barbers nga posible nagatipon sang datos ang China nahanungod sa deuterium nga bugana sa eastern seaboard sang Pilipinas.

Ang deuterium amu ang gamit sa mga prototype fusion reactors nga mahimo nga magamit sa military, industrial kag scientific fields.