Civil Aeronautics Board, gin-anunsyo nga magapabilin sa level 4 ang fuel surcharge sa Pebrero

Gin-anunsyo sang Civil Aeronautics Board (CAB) nga magapabilin sa Level 4 ang fuel surcharge sa Pebrero, ika-pito nga sunod-sunod nga bulan humalin sang Agosto sang nagligad nga tuig.

Suno sa CAB, nagalab-ot sa PHP117 tubtob PHP342 ang fuel surcharge sa domestic flights, samtang sa international flights nagalab-ot ini sa PHP385.70 tubtob PHP2,867.82, depende sa distansya.

Para sa mga kargamento, ang surcharge sa gatong ang yara sa:

P0.60 tubtub P1.76 kada kilo para sa one-way domestic flights.

P1.98 tubtub P14.74 kada kilo para sa one-way international flight halin sa Pilipinas.

Gin-athag man sang Civil Aeronautics Board nga ang fuel surcharge ang dugang nga bayad magluwas sa base fare sang mga airlines.