-- ADVERTISEMENT --
Ginkumpirma sang mga opisyal sang Dinagat Islands nga nakit-an na ang missing civilian aircraft nga may tail number nga RP-C2444 nga ginapahayag nagtibusok sa bukid sa Barangay Navarro, Tubajon.
Suno kay Dinagat Islands Governor Nilo Demerey Jr., nabatian sang mga residente ang mabaskog nga paglupok mga ala 1:00 sang hapon sang Miyerkules, Abril 8, 2026.
Gilayon nga naglunsyar sang search and rescue operations ang gobyerno probinsyal, nga nagdala sa mga otoridad sa crash site sang gab-i sang amo man nga adlaw.
Nakita man sang mga residente ang mga debris halin sa eroplano sa lugar suno sa Provincial Disaster Risk Reduction and Management Council.
Sa subong padayon ang rescue operations para sa mga pasahero sang eroplano.
-- ADVERTISEMENT --
