May yara sang closed-door conference nga patigayunon para sa mga ginikanan kag estudyante nga involved sa kinagamo sa sulod sang Jamindan National High School.
Sa interview sang Bombo Radyo kay Ms. Glenda Marie Botin, Division Disaster Risk Reduction and Management Officer sang Department of Education (DepEd)-Capiz, iya ginpahayag nga i-assess sang school authorities kag talatapan kun ano ang nagakabagay kag makapamaayo para sa mga kabataan.
Suno kay Botin, kinamatarong sang kabataan nga maka-eskwela kag indi ini mahimo nga i-dalok sa ila.
Pahayag niya, pagkatapos sang natabo nga insidente, may ginpatigayon nga guidance counseling sa mga kabataan.
Dugang pa sang natungdan, may yara sang alternative delivery mode nga gin-set sa mga estudyante agud makapadayon sang ila nga pag-eskwela.
