Nakig-angut na ang Commission on Elections (Comelec) sa nagkalain-lain nga social media platform kag technology firms agud suportahan sila sa pagpakigbato sa posible nga paglapta sang sala nga impormasyon antes ang 2025 midterm elections.
Suno kay Comelec Commissioner Nelson Celis nga Chairman sang Committee on Digital Transformation kag Kontra Fake News kaupod ang iban pa nga mga tech companies.
Ginpahayag sini nga nagplastar sila sang mga plano kag tikang kung paano pakigbatuan ang seryuso nga epekto sang mga peke nga balita sa pungsod ilabi nga sa tion sang eleksyon.
Kalakip sa mga plano sang kompanya amu ang pagpalawig sang ila resources ukon pagseparar sang pondo agud bantayan sang publiko batuk sa paglapnag sang fake news sa ila mga platform.
Ginhinyo man sang ahensya ang partisipasyon sang mga election watchdog, IT organizations kag iban pa nga stakeholders agud pakigbatuan ang fake news.
