Preparado na ang mga katapo sang Comelec sa banwa sang Dao para sa nagahilapit nga Election 2025.
Ini ang ginkumpirmar ni Mrs. Judith Lozada, Election Officer III sang aton ini napakig-angutan.
Ginpahayag sini nga Mayo 7, 2025 pa sang nagsugod ang ginpatigayon nga Testing and Sealing sa Automated Counting Machine ukon ACM sa banwa sang Dao.
Suno pa nga ang banwa sang Dao ang may yara sang 20 ka mga kabarangayanan, nga may yara sang 23,072 ka mga registered voters.
Dugang pa ni Officer III Lozada nga sumugod sang ginpatigayon ang Testing and Sealing sang ACM wala sang nabalhag nga pagpalya sang machine sa 32 tanan ka mga voting precints sa nasambit nga banwa.
Nakahanda naman suno ang ila nga team pananglitan nga may magluntad nga pagpalya kag may yara sila sang nakareserba nga machine.
Samtang sa pihak nga bahin, ginpahayag ni PCapt. Rian Ampoyos, Officer Incharge sang Dao MPS nga preparado na ang 38 tanan ka mga PNP personnel sa lugar kun sa diin 15 diri ang nagikan sa Capiz PPO.
