CAPIZ– Negatibo sa kaso nga Corona Virus Disease (COVID)-19 sa sulod sang lima ka bulan sang tuig 2025 ang bug-os nga probinsya sang Capiz.
Sa interview sang Bombo Radyo kay Mr. Joeffrey Espiritu, Public Information Officer sang Department of Health Capiz, ginapahayag nga nagapabilin sa negatibo nga kaso sang amu nga balatian ang probinsya.
Dugang pa sini, kun ikumparar sa tinalikdan nga tuig ang kasubong nga mga tion sa sini nga tuig, may yara sang 26 ka mga kaso sang COVID-19 sa probinsya.
Nahibaluan nga sa karon hugot nga ginabantayan sang Department of Health ang COVID-19 bangud sa pagtaas sang mga kaso sini sa pila ka pungsod sa Southeast Asia nga ginakalakipan sang pungsod sang Hongkong kag Singapore.
Samtang, nagpanugyan naman si Espiritu sa publiko nga sa gihapon himuon ang mga safety protocols may kaangtanan sa paglikaw sa sini nga balatian bangud nga wala pa sang bakuna nga available sa bug-os nga mga ospital sang probinsya.
