DA, ginadumilian ang pag-import sang buhi nga mga sapat halin sa Greece

Temporaryo nga gindumilian sang Department of Agriculture ang pag-import sang buhi nga mga sapat kag iban nga produkto halin sa Greece matapos makumpirmar ang kaso sang foot-and-mouth disease ukon FMD sa mga karnero.

Suno kay Agriculture Secretary Francisco Tiu Laurel Jr., paagi sa amo nga tikang maprotektahan ang mga kasapatan kag malikawan ang paglapta sang sakit sa pungsod.

Ginsuspender man sang DA ang paghatag sang import clearance kag pagpatuman sang maid-id ang inspeksyon sa mga pantalan sa pungsod.

Lakip sa ginadumilian amo ang buhi nga baboy, baka kag karne, apang ang iban nga ginproseso nga produkto nga ginakabig safe pwede sa gihapon makasulod  paagi sa insakto nga proseso.