Nagdangat na sa 12 ang napatay sa epekto sang bagyo nga Crising, Dante, Emong kag Southwest monsoon.
Suno sa National Disaster Risk Reduction and Management Council (NDRRMC), nadugangan sang walo ang nareport nga missing.
Padayon man nila nga ginakumpirma ang 10 ka ginreport nga napatay.
Naglab-ot naman sa 765,869 ka mga pamilya ang apektado sang nasambit nga weather disaster.
May yara man sang 40,487 ka mga pamilya nga temporaryo nga ginbakwit sa mga evacuation centers.
Ginabulubanta nga nagalab-ot sa masobra P366.3 million ang kahalitan sa agrikultura, sa diin ang rehiyon sang MIMAROPA ang may pinakamadamo nga narekord nga kahalitan.
Nahibaluan nga yara na sa state of calamity ang Metro Manila nga ginalakipan sang 40 ka mga syudad kag munisipalidad sa anum ka rehiyon.
Naghatag man sang P181.4 million nga bulig ang gobyerno sa mga apektado sang bagyo.
Padayon pa nga nagapakig-angot ang NDRRMC sa mga lugar nga ginhalitan sang amo nga bagyo.
