Nagdangat na sa 53 ang napatay sa naglugdang nga MV Trisha Kerstin 3 matapos narekober ang “pugot nga ulo” sa diving operations sa baybayon sang Baluk-Baluk Island sa Basilan sang Pebrero 13.
Suno kay Philippine Coast Guard (PCG) Spokesperson Captain Noemie Cayabyab, nakuha sang PCG technical diving group ang parte sang lawas sang biktima kag ginrekord bilang dugang nga casualty sa insidente.
Ginrebisar sang PCG ang initial number sang survivors sa insidente halin sa 316 pakadto sa 293.
Ginpaathag pa niya ang pagbag-o sang data matapos gin-verify ang identity sang mga pasahero lakip na ang mga survivors sang trahedya nga nalista sa manifesto, mga indibidwal nga nakalampuwas apang sang ulihi nakumpirmar nga wala sa listahan, lakip na ang mga declared kag undeclared crew members.
