Debosyon sa Our Lady of Guadalupe, Padayon nga Ginahatagan sang Importansya sang mga Deboto

Padayon nga nagabaskog ang debosyon sang mga Katoliko kay Our Lady of Guadalupe pinaagi sa pagpakita sang himpit nga pagtuo sang mga Capiznon.

Sa interview sang Bombo Radyo kay Merlita Blanco, nagabaligya sang mga souvenir sang Mahal na Birhen, iya ginpahayag nga humalin pa 2004 nagabaligya na siya sang mga souvenir ni Our Lady of Guadalupe kag naga-upod sa pagpanglakaton ukon pagbisita sang imahe sa nagkalain-lain nga bahin sang Pilipinas.

Suno kay Blanco, bisan diin magpadulong ang imahe, maobserbahan niya ang nagadagsa nga tawo agud makita ini kag makaupod sa mga selebrasyon.

Para kay Blanco, ang padayon nga pagdagsa sang mga deboto ang pamatuod nga buhi kag nagapabilin ang pagtuo kag debosyon sang mga Pilipino sa Our Lady of Guadalupe.