Nagpaandam ang Department of Environment and Natural Resources (DENR-Capiz) sa posible problema sa tubig kag agrikultura kasunod sang 81% nga tyansa sang “very strong El Niño” nga mag-develop sa tunga-tunga sang Oktubre 2026 kag Enero 2027.
Sa interview sang Bombo Radyo kay Dr. Ernest Federiso, Provincial Officer sang DENR-Capiz, iya ginpahayag nga mahimo maapektohan ang pila ka mga suba kag water sources sa probinsya kun mangin limitado ang pag-ulan.
(UYAPAD)
Suno kay Federiso, ang mga uyapad sa Dao, Cuartero kag Sigma mahimo nga magmala kun wala sang bastante nga ulan sa Tapaz kag Jamindan.
May yara man sang major impact ang El Niño sa coastal areas, agriculture kag food supply sa diin ang produksyon sang bugas kag mais ang posible nga maapektohan kag mangin resulta ang pagtaas sang presyo sini nga maga-contribute sa food inflation.
Nagapanawagan ang natungdan sa publiko nga i-practice ang proper water kag energy conservation kag likawan ang pag-uyang sang tubig.
