Ginklaro ni Department of Trade and Industry Secretary Cristina Roque ang iya nauna nga pahayag nga makaigu na ang P500 nga budget para sa Noche Buena.
Suno kay Roque, ang iya buot silingon nga budget ang para lamang sa simple nga handa sa Paskwa sang gamay nga pamilya nga may apat ka miyembro ukon mas manubo pa.
Dugang pa sini, ginbase lamang niya ang iya pahayag sa Department of Trade and Industry (DTI) Noche Buena price guide.
Sandig sa price guide, ang pinakabarato suno sa iya amo ang 500g ham nga mabakal sa P170, 250g spaghetti noodles nga P30, kag spaghetti sauce nga P48.50.
Pahayag niya, mahimo pa makadugang sang macaroni salad nga mayonnaise,cheese kag mahimo man makahatagay sang pagkaon ang mga magpamilya kag magkasilingan nga amo man ang mahimo makahatag sang iban pa nga pagkaon sa lamesa.
Nahibaluan nga naka-post naman ang Noche Buena price guide sa DTI website kag sa ila nga social media pages. Nalakip sa listahan ang presyo para sa ham, pasta, sandwich spread, keso de bola, cheese, fruit cocktail, kaong, kag iban pa.
