Depasahero nga bus, nahulog sa pil-as; 4 patay, 23 pilason

Patay ang Apat samtang 23 ang pilason matapos nga nahulog sa pil-as ang depasahero nga bus sa Del Gallego, Camarines Sur.

Pila sa mga pasahero ang gindala sa Tagkawayan General Hospital sa Quezon.

Suno sa kapulisan, halin sa Quezon City ang bus kag padulong kuntani sa Sorsogon sang natabo ang aksidente Biernes sang kaagahon.

Posible suno kay Del Gallego Police Chief nga natulugan ang driver sang bus rason nga nadulaan ini sang kontrol kag nahulog ang salakyan sa pil-as.

Gina-imbestigaran man kon bala may problema ang makina sang bus antes ang byahe.

Wala pa sang pahayag ang bus company samtang nagapadayon pa ang imbestigasyon sa nasambit nga insidente.