-- ADVERTISEMENT --
Liwat nga nagpanawagan ang Department of Education sang reporma para sa mga manunudlo pinaagi sa Teacher Education Council.
Suno kay Department of Education Secretary kag Chairman sang Teacher Education Council Sonny Angara, importante ang pag-improve sang kalidad sang mga manunudlo agud makaayo man ang kalidad sang edukasyon sa Pilipinas.
Pahayag niya, kinahanglan siguraduhon nga handa kag may bastante nga kinaalam ang tagsa ka manunudlo kag labi sa tanan, dalayon ang suporta para sa ila bangud dira naga-umpisa ang reporma.
Nahibaluan nga base sa first annual Teacher Education Council report, naguwa nga may mga pagpanghangkat ang manunudlo nga nagaapekto sa kalidad sang edukasyon.
