Nagalaum ang Department of Education nga makakuha sang bastante nga pondo agud maka-hire sang masobra 30,000 teachers sa masunod nga tuig agud makabulig sa pagsolbar sang kakulang sa public schools.
Suno sa departamento, ang plano nga hiring amo ang pinakadako nga single-year increase sa diin 32,916 Teacher I items sa National Expenditure Program ang ginpasa sa Kongreso para sa General Appropriations Bill.
“Kapag nagdagdag tayo ng libo-libong guro, mas lumuluwag ang mga silid-aralan at mas nabibigyang-pansin ang mga batang kailangang abutan. Papalakasin ang pwersa ng mga guro para mas umangat ang kalidad ng pagtuturo sa bawat paaralan,” suno kay Sec. Sonny Angara sa gin-release nga statement sang DepEd.
Plano pa sang DepEd nga butangan sang 6,000 School Principal I posts agud malab-ot ang leadership gaps kag maka-hire sang 10,000 School Counselor Associate I personnel agud magbulig sa mga issues kaangay sang bullying kag well-being sang mga estudyante.
Ang plano nga hiring para sa 2026 ang magluwas pa sa 20,000 ka mga bag-o nga teaching positions nga ginhimo para sa Fiscal Year 2025 kag 33,052 ka mga unfilled teaching positions humalin sang nagliligad nga tuig.
