Nagapanawagan ang Department of Information and Communications Technology (DICT) sang dugang nga pondo agud nga mapadayon ang pagpatuman sang National Broadband Program (NBP).
Suno kay DICT Assistant Secretary Renato Paraiso nga kapin P200 billion ang kinahanglan sa fully implement sang Phases 4, 5, kag 6 sang NBP digital infrastructure project.
Dugang pa ni Paraiso, nga ang three segments ang magacover sang broadband expansion sa Mindanao kag Visayas kag tanan nga isolated kag disadvantaged nga lugar sa pungsod.
Sang Abril, naglunsyar ang DICT sang Phase 1 sang Philippine Digital Infrastructure Project (PDIP), nga nalakipan sang NBP.
Nasakupan sini ang Baler sa Quezon, Laoag sa Ilocos Norte, kag Metro Manila.
Ang Phase 2 kag 3 sang national fiber backbone ang magaconnect sa Metro Manila kag Southern Luzon.
Ini ang target nga matapos sa subong nga tuig.
Ginpahayag man ni Paraiso nga ang budget proposal para sa kabug-usan nga national expenditures ang napasa na sa kongreso.
Naka-standby na ang mga ahensya sang gobyerno para sa mga panawagan sang budget nagikan sa nagkalain-lain nga committee sang Kamara kag Senado.
