Preparado na ang mga katapo sang Department of Health Capiz para sa 2025 National and Local Elections.
Sa interview sang Bombo Radyo kay Mr. Joeffrey Espiritu, Management Officer IV- DOH Capiz, ginpahayag sini nga nakighinun-anon na sila sa pila ka mga ahensya sang may kaangtanan sa pagbantay sa patigayunon nga Elections 2025.
Suno Kay Espiritu, may Yara sang ginpaguha nga Department Memorandum sang Department of Health nga Department Memorandum 25-0191 kun sa diin amo ini ang guidelines sang pag-establisyar sang health post sa designated areas kadungan sa 2025 midterm elections.
Bangud sa mainit nga panahon mas madamu ang volunteers nga ginpahamtang sa Lugar agud mas matutukan ang kondisyon sa tagsa ka mga botante Samtang, sa designated areas may yara sang ginatawag nga 1st aid assistance, medical services, kag essential medicines nga ila mahatag sa ila nga pagserbisyo.
Gani panugyan ni Espiritu nga likawan gid ang pagsulay sa tuman nga kainit sang palibot, ginahanumduman ang tanan nga mga botante nga likawan ang pagsuksok sang pikit nga bayo sa tion sang Pagboto.
