Posible nga magsaka sa kapin 100,000 ang kaso sang dengue pagsugod sang ber months.
Ginpahayag ni Health Secretary Ted Herbosa, nga kada magsugod ang ber months masami nga naga ulan sang mabunok sa pungsod kag ginalauman man nga nagadungan diri ang La Niña nga kun sa diin, suno diri ang amo nga panyempo ang luyag sang mga lamok nga may dala nga balatian nga dengue.
Bangud sa posible nga matabo, nagakabalaka suno diri ang Department of Health (DOH) nga basi magresulta ini sa outbreak ang mga kaso nga nairekord sa karon sa pungsod.
Ginpahayag naman sang tiglikom, sa karon wala pa sang dengue outbreak sa pungsod pero indi man malabo nga ini ang matabo kun magtaas sa masobra 100,000 ang mairekord nga kaso kada tuig.
Ginsiguro naman ni Herbosa nga madasig ang pag-detect sang amo nga dengue bangud sa isa ka sahi sang rapid test nga magatumod kun may dengue ukon wala ang isa ka indibidwal.
