Patay ang isa ka driver matapos nga nagbunggo ang iya ginamaneho nga truck sa poste sang Skyway sa Quezon City.
Suno sa report, naabtan sang mga rescuers kag mga tinawo sang Barangay Santol ang driver nga na-trap pa ang tiil sa iya truck sa Araneta Avenue pasado las 10 sang gab-i.
Wala gilayon napaguwa ang iya pasahero sa salakyan, gani naggamit sang extrication tools ang mga rescuers.
Pagligad sang pila ka tion, ang pasyente ginkuha sang maayo kag ginbayaw agod ibutang sa isa ka stretcher. Masunod naman nga ginpaguwa drayber gikan sa pihak nga pertahan sang salakyan.
Gindala sa ospital ang duha apang sang ulihi napatay ang driver suno sa District Traffic Enforcement Unit sang QCPD.
Padayon pa ang imbestigasyon sang mga otoridad sa gintunaan sang aksidente.
