Gintarget sang drone attack ang Kuwait International Airport, nga nagtuga sang halit sa radar system, suno sa Public Authority for Civil Aviation. Wala sang may nareport nga napatay, kag gilayon nga nagresponde ang mga emergency team agud mabalik sa normal ang operasyon.
Ginsigurado sang awtoridad ang pagpabakod sang seguridad kag safety sa civil aviation.
Samtang, nagpahayag sang tuman nga pagkabalaka ang mga pungsod sa Gulf region bangud sa possible nga destabilization halin sa mga militia kag proxy groups nga ginasuportahan sang Iran, kalakip ang Hezbollah kag Houthis.
Sang tinalikdan nga semana, naaresto ang anom ka mga suspek nga ginapahayag may kaangtanan sa plano nga pagpatay sa mga lider sang estado sang Kuwait.
Samtang, gin-ako sang Houthis ang missile strike batuk sa Israel, labing-una nga direkta nga partisipasyon sa padayon nga kinagamo sa Middle East.
