Agud masiguro ang kahimtangan sang mga pamilya nga naapektuhan sang pagbaha bangud sang malain nga panahon, nagpatigayon sang field monitoring ang Department of Social Welfare and Development ukon DSWD Field Office National Capital Region, upod ang local government sang Quezon City, sa mga evacuation center.
Suno sa monitoring sang DSWD, nakapauli na ang mga evacuees halin sa Sto. Domingo Parish Church kag Bagong Silangan Elementary School.
Samtang, yara pa gihapon sa 486 ka pamilya ang nagapabilin sa Bagong Silangan Evacuation Center, samtang 286 ka pamilya naman ang yara sa North Fairview High School.
Ginalauman nga makapauli na subong nga Lunes, Agosto 31, ang 227 ka pamilya nga yara sa Fairview Elementary School Evacuation Center.
Ini kabahin sang padayon nga monitoring kag pagresponde sang DSWD sa mga evacuation center, kasunod sang direktiba ni Predident Ferdinand R. Marcos Jr.
Katuyuan sang ahensya nga masiguro nga padayon nga makabaton sang nagakaigo nga bulig kag suporta ang mga apektado nga pamilya tubtob nga luwas na sila nga makabalik sa ila tagsa-tagsa ka puluy-an.
