Nagpanagtag na ang Department of Social Welfare and Development (DSWD) sang P70,706,465 nga balor sang humanitarian assistance sa mga naapektuhan sang padayon nga pag-alburoto sang Bulkan Kanlaon.
Sa datos sang ahensya, naipanagtag ang bulig nga ini sa halos 7,556 nga mga pamilya ukon kabaylo sang 23,618 nga mga indibidwal.
Ang nasambit nga assistance naman ang nagikan sa gintingub nga relief efforts sang DSWD, local government units kag mga non-government organizations.
Para naman sa ahenysa, nagdangay na sa P51,075,823 ang balor sang napaabot nga bulig sini sa mga residente.
Sa karon, may yara pa sang nagakabalor nga P168,044,880.49 ang nagapabilin nga available nga relief resources sang ahensya kag padayon nga nakabantay para sa pagdul-ong sang bulig sa mga apektado nga residente.
