DSWD, nakadul-ong sang masobra 50,000 family food packs sa mga pamilya nga naapektuhan sang bagyong Marce

Ginkumpirmar sang Department of Social Welfare and Development nga nadul-on na sini ang masobra 50,121 boxes sang Family Food Packs sa mga lokal nga gobyerno nga naapektuhan sang bagyong Marce.

Suno sa ahensya, sa pihak sini padayon ang ila pagdul-ong sang ayuda sa mga naapektuhan nga residente.

Nakadul-ong naman sang bulig ang mga tinawo sang DSWD sa mga rehiyon sang Cagayan Valley, Ilocos, kag Cordillera Administrative Region partikular na sa mga pamilya nga nahalitan.

Base sa datos sang ahensya, ang Cagayan Valley Region ang nadul-ongan naman sang pinakadako nga numero sang FFPs nga nagadangat sa masobra 32,000.

Nagdangat na man sa masobra ₱34-million humanitarian assistance ang napaabot sang ahensya sa mga naapektuhan sang bagyo.