Duha ka Driver sang motorsiklo, pilason matapos magbungguanay sa Barangay Bungsuan, Dumarao, Capiz

Pilason ang duha ka Driver sang motorsiklo, matapos magbungguanay sa Barangay Bungsuan, Dumarao, Capiz.

Ang mga biktima amo sanday alyas Mark kag si alyas John.

Sa interview sang Bombo Radyo, kay Police Lieutenant Russel Husmalaga, Officer in Charge sang Dumarao – Municipal Police Station, iya ginpahayag nga parehas ang dalan nga ginasubay sang biktima sang hinali na lang ini nga nagbungguanay.

Nag-angkon naman sang pilas ang duha ka driver nga madasig man nga ginpadangat sa ospital.

Sa subong yara na sa maayo nga kahimtangan ang duha ka mga driver.

Nagpanawagan man ang natungdan nga mangin mahalong sa pagmaneho agud malikawan ang pila ka mga insidente sa dalanon.