IVISAN, CAPIZ –Nagluntad ang duha ka landslide sa banwa sang Ivisan, Capiz tuga sang mabunog nga pag-ulan.
Sa interview sang Bombo Radyo kay Maribel Beluso- Andrada, Chairperson sang Ivisan Municipal Disaster Risk Reduction and Management Office (MDRRMO), iya ginpahayag nga nagluntad ang amo nga landslide sa duha ka landslide sa Sitio Magulayag kag Sitio Malabago sang Barangay Cabugao, kag Malocloc Sur, Ivisan, Capiz.
Suno kay Andrada, yara sa pito tubtob walo ka pamilya ang nag-evacuate kag nagpadulong sa pila ka mga panimalay nga malayo sa amo nga insidente.
Sa subong, gin-cordon na kag ginsarado ang amo nga dalan bangud sa pamahog sang pagrusdak sang bato kag duta.
Nagpanawagan man ang natungdan nga magpabilin nga aligmat kag magsunod sa mga otoridad agud mapabilin ang safety sang kada isa.
INTERVIEWED BY: BOMBO ROADNIE DABAN DALANON
