-- ADVERTISEMENT --
Patay ang duha ka mga Indonesian United Nations Peacekeepers sa southern Lebanon.
Suno sa United Nations Interim Force in Lebanon (Unifil) nga sakay ang mga ini sa salakyan sang hinali nga may mabaskog nga pagsigabong.
Pilason naman ang duha ka mga kaupdanan nila kag ini ang gindala sa balay bululngan. Dugang pa nila nga ini na ang ika-duha nga insidente sa sulod sang 24 oras.
Matandaan nga sang gab-i sang Dominggo, isa man ka Indonesian peacekeeper ang napatay matapos nga nag-igo ang isa ka missile sa ginapahamtangan sini sa Adchit Al Qusayr sa southern Lebanon.
