Duha ka panibag-o nga kaso sang Mpox, narekord sang DOH

Nagsaka pa sa lima ang mga aktibo nga kaso sang Mpox sa pungsod.

Ini matapos nga nakalista ang Department of Health (DOH) sang duha pa nga panibag-o nga kaso sang nasambit nga balatian.

Suno sa DOH, Clade II ang tanan nga active cases nga mas mild nga sahi sang Mpox.

Narekord ang mga bag-o nga kaso sa Metro Manila kag isa sa Calabarzon.

Ginahibalo pa sa karon kun paano natapnan ang mga pasyente.

Sa karon, yara na sa 14 ang kabug-usan nga kaso sang Mpox sa Pilipinas kun sa diin siyam na ang nag-ayo nga narekord sadtong tinalikdan pa nga tuig 2023.