Duha ka Salakyan, nagbunggu-anay sa banwa sang Cuartero

Nagbunggu-anay ang duha ka salakyan sa bahin sang Bitoon, Ilaya, Cuartero, Capiz.

Ang driver sang una nga salakyan nga naga-duag blue amo si alyas Zaldy, 44-anyos kag residente sang Barangay Parian, Sigma, Capiz.

Samtang ang ikaduha na driver sang salakyan amo si alyas Anne, 40-anyos nga taga- Dumarao, Capiz.

Sandig sa report, parehas nga ginsubay sang mga salakyan ang amo nga dalan apang pag-abot sa gintabu-an sang insidente, nag-overtake ini ang ikaduha nga salakyan apang naside swiped ini sang una nga salakyan rason sang ila parehas nga pagkabunggo.

Wala man sang nabalhag nga napilasan sa amo nga insidente.

Sa subong, gindala sa Cuartero Municipal Police Station ang duha ka salakyan para sa nagakaigo nga disposisyon.